BAS MÚFTI NURǴALI NÚSIPJANOVPEN SUHBATTASTY (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Almaty qalasyna barǵan saparynda ánshi, Qazaqstannyń halyq ártisi, memlekettik syılyqtyń laýreaty Nurǵalı Núsipjanovpen suhbattasty.

Bas múftı óner qaıratkerine múftııattyń qoǵamda din men dástúr sabaqtastyǵyn nasıhattaý, ulttyq qundylyqtardy dáripteý, jastardy jat dinı aǵymdardyń teris ıdeologııasynan saqtandyrý baǵytyndaǵy jumystary jaıly baıandap berdi.

Óz kezeginde óner qaıratkeri jastardyń boıyna patrıottyq sezimdi uıalatýdyń mańyzyn aıryqsha atap ótti. Bas múftı Qazaqstan musylmandary dinı basqarmasy janyndaǵy Jastar sektory bul baǵytta respýblıkalyq deńgeıde ıgi is-sharalarǵa uıytqy bolyp kele jatqanyn jetkizdi.

Kezdesý sońynda Nurǵalı Núsipjanov Bas múftıge izgi nıetin jetkizip, halyqqa qyzmet etý jolyndaǵy bastamalaryna sáttilik tiledi.