Bas múftı oblys ımamdaryn alǵys hatpen marapattady (FOTO)
Elordada Qazaqstan musylmandary dinı basqarmasynyń Ortalyq apparatynda ótken Tóralqa májilisinde Bas múftı Naýryzbaı qajy Taǵanuly Táýelsizdigimizdiń 30 jyldyq mereıtoıyna oraı oblys ımamdaryn arnaıy alǵys hatpen marapattady.
«Sizdiń asyl dinimizdiń ósip-órkendeýine, táýelsiz elimizdiń 30 jyldyq mereıli belesinde jetken árbir jetistigine qosqan úlesińiz mol. Rýhanı qundylyqtarymyzdy nasıhattaý jolyndaǵy belsendi qyzmetińiz ben yjdahatty eńbegińiz úshin Sizge aıryqsha alǵysymdy bildiremin. Alla razy bolsyn! Otbasyńyzǵa amandyq, denińizge saýlyq, izgi isińizge bereke tileımin!
Alla Taǵala din salasynda yqylaspen atqarǵan árbir isińizge mol saýaptan jazǵaı. Jaratýshy Jabbar Iemiz Táýelsizdigimizdi baıandy etip, halqymyzǵa birlik pen bereke násip etkeı. Ámın!» delingen Bas múftıdiń alǵys hatynda.
Tóralqa májilisinde QMDB Tóraǵasy Naýryzbaı qajy Taǵanuly bir jyl boıy jaqsy jumys nátıjesin kórsetken barsha din qyzmetkerlerine alǵysyn jetkizdi.
