Bas múftı óńirdegi Áıel-qyzdar sektoryna jaýapty mamandarmen kezdesti (FOTO)
Búgin elordada QMDB Tóraǵasy, Bas múftı Naýryzbaı qajy Taǵanuly Ýaǵyz-nasıhat bólimine qarasty aımaqtaǵy Áıel-qyzdar sektorynyń jaýapty mamandarymen kezdesti.
Kezdesýge Apparat basshysy Ǵylymbek Jádigeruly, Ýaǵyz-nasıhat bóliminiń meńgerýshisi Batyrjan Berdenuly jáne 19 ókildiktegi áıel-qyzdar sektorynyń jaýapty ustazdary qatysty.
Jıynda óńirdegi áıel-qyzdar sektorynyń jumysyn jandandyrý, olardyń kásibı biliktiligin arttyrý, QMDB janynan shyqqan ádistemelik quraldardy paıdalaný jáne jeti baǵyt jumystarynyń oryndalýy sóz boldy.
Bas múftı qazirgi qıyndyqqa qaramaı, barynsha yqylaspen jumys istep kele jatqan ustazdarǵa rızashylyǵyn bildirip, alǵysyn jetkizdi. Odan bólek aımaqtaǵy dinı bilim alýǵa umtylǵan áıel jamaǵatynyń tárbıesi, olarǵa qolaıly jaǵdaı jasaý, meshitterde dinı dáris berý, salt-dástúrdi saqtaý, urpaq tárbıesi, otbasy quqyǵyna qatysty alǵysharttar jáne bala tárbıesi jaıly aıtyldy.
Kezdesý sońynda atqarylǵan jumystar qorytyndylanyp, Ýaǵyz-nasıhat bólimi tarapynan jospar usynyldy. Al ustazdar óz kezeginde óńirdegi problemalar men usynystaryn Bas múftıge jetkizip, naqty jaýap aldy.
