BAS MÚFTI ORAZADAǴY SOŃǴY TARAÝYQ NAMAZYNA QATYSTY (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly elordadaǵy Respýblıkalyq bas meshitte ótken Ramazan aıyndaǵy sońǵy taraýyq namazyna qatysty.
Bas múftı keler jylǵy Ramazanǵa deıin musylman úmbeti saǵyna kútetin erekshe namaz jáne berekeli aı jóninde nasıhat aıtyp, jamaǵatty aldaǵy oraza aıtpen quttyqtady.
«Qosh bol, Ramazan» dep jatyrmyz. Bul jaı sózder emes, júrekten, kóz jasyna erik bere aıtylar sóz. Ata-babalarymyz, sahabalar solaı istegen. Biz de Ramazannyń ótip bara jatqanyn, keler jylǵa deıin qaıta kelmeıtinin oılasaq, kóńilimiz bosaıdy. Óıtkeni biz Ramazandy jaqsy kóremiz, ony saǵynamyz. Sol súıikti Ramazanymyz bizden ketip bara jatyr. Qaıta aınalyp kelgenshe barshamyz aman bolaıyq» dedi QMDB Tóraǵasy.
Namazdan keıin Bas múftı Naýryzbaı qajy Taǵanuly el ıgiligi men amandyǵy úshin izgi tilegin jasady.
