Bas múftı Orazaǵa oraı kásipkerlerge úndeý jasady (FOTO)
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Prezıdent janyndaǵy Ortalyq kommýnıkatsııalar qyzmetinde tikeleı Efırde ótken brıfıngte orazaǵa oraı kásipkerlerge úndeý jasady.
Bas múftı kásipkerlerdi qasıetti aıdyń qurmeti úshin halqymyzdyń turmys jaǵdaıyn eskerip, áleýmettik mańyzy bar taýarlar men azyq-túlik baǵasyn múmkindiginshe 10 paıyzǵa deıin tómendetip, jeńildik jasaýǵa shaqyrdy.
«Paıǵambarymyz Muhammed (oǵan Allanyń salaýaty men sálemi bolsyn): «Kim de kim baýyrynyń qajetinótese, Alla onyń qajetinde bolady. Kim de kim musylmannyń bir qaıǵysyn seıiltse, Alla onyń qaıǵy-qasiretteriniń birin seıiltedi» degen. Ramazan – Rabbymyzdyń meıirim-mahabbatyna bólenetin aı. Endeshe, berekeli aıdyń bereketinen qur qalmaıyq!» dedi Naýryzbaı qajy Taǵanuly.
