BAS MÚFTI ORTALYQ MEShITTEGI «ShEBER ÁIEL» QOLÓNER ORTALYǴYNYŃ JUMYSYMEN TANYSTY (FOTO)

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Syr óńirine jumys sapary barysynda oblystyq «Aqmeshit-Syrdarııa» meshitinde ashylǵan «Sheber áıel» qolóner ortalyǵynda qonaq bolyp, tigin kýrsyn támamdap jatqan qolóner sheberlerimen kezdesti.

Atalǵan ortalyq 2019 jyldan beri jumys isteıdi. Ortalyq Qazaqstandaǵy Birikken Arab Ámirlikteri elshiligi jáne «UMMET» qoǵamdyq qorynyń demeýshiligimen 20 tigin mashınasymen jabdyqtalǵan. Sondaı-aq meshit tarapynan qajetti qural-jabdyqtarmen tolyq qamtamasyz etilgen. Oblys bas ımamy Bolatbek Ulasqanulynyń aıtýynsha, kýrs tegin júrgiziledi.

«Modeler-konstrýktor, tájirıbeli mamandar tigin úırenýge nıetti kez-kelgen qyz-kelinshekterge eki aı ishinde «áıeldiń bazalyq kıimin tigý tehnologııasy» boıynsha tiginniń qyr-syryn úıretedi. Jobanyń maqsaty – «balyq berme, qarmaq ber» demekshi, jumyssyz júrgen qyz-kelinshekterge úıde otyryp ta tabys taba alatyn kásipti úıretý dep atap ótti bas ımam.

QMDB Tóraǵasy sheberhanany aralap, daıyn ónimder kórmesin aralady. Keıin kýrsqa qatysýy qyz-kelinshekterge tiginge qajetti qural-jabdyqty syıǵa tartty.