BAS MÚFTI PAVLODAR OBLYSY ÁKIMIMEN KEZDESTI (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Pavlodar oblysyna barǵan saparynda óńir basshysy Asaıyn Qýandyqulymen kezdesti.

Kezdesýde aımaqtaǵy dinı ahýal talqylandy. Sonymen qatar qazaq dalasynan shyqqan tulǵalardyń ónegeli ómirin nasıhattaý, qoǵamda din men dástúr sabaqtastyǵyn dáripteý, jastardy destrýktıvti dinı aǵymdardyń ıdeologııasynan saqtandyrý máselesi sóz boldy. Taraptar osy baǵytta ortaq jobalardy júzege asyrýǵa ýaǵdalasty. 

Aıta ketsek, búginde Pavlodar oblysynda 107 meshit jumys isteıdi. Oblysta 21 meshit jańadan salynýda. 107 meshitte 165 din qyzmetkeri ózine júktelgen dinı mindetti atqarýda. Pavlodar oblysynda QMDB-ǵa qarasty «Ábý Bákir Syddyq» medresesinde 57 shákirt tálim alýda.

​