BAS MÚFTI PORTÝGALIIa ELShISIMEN KEZDESTI
Búgin elordada Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Portýgalııa Respýblıkasynyń Qazaqstandaǵy Tótenshe jáne ókiletti elshisi Marııa de Fatıma Velez de Andrade Mendeshti óz ótinishi boıynsha qabyldady.
Kezdesýde Bas múftı Naýryzbaı qajy Taǵanuly Marııa de Fatımany Portýgalııa memleketiniń Qazaqstandaǵy alǵashqy elshisi bolýymen quttyqtap, jumysyna bereke tiledi. Sondaı-aq Qazaqstan musylmandary dinı basqarmasynyń jumysymen tanystyrdy.
Óz kezeginde Marııa de Fatıma Portýgalııanyń da Qazaqstan sekildi tolerantty memleket ekenin eske salyp, Álemdik jáne dástúrli dinder kóshbasshylarynyń Sezin árdaıym nazarda ustaıtynyn tilge tıek etti. Odan bólek, Naýryzbaı qajy Taǵanulyna ýaqyt bólip, arnaıy qabyldaǵany úshin alǵysyn bildirdi.
Al QMDB Tóraǵasy Islam beıbitshilik pen birliktiń dini ekenin, búgingi tańda jer betine beıbitshilik qundylyqtaryn ornatýdyń mańyzyn aıryqsha atap ótti.
Источник: Aidos
