BAS MÚFTI PROFESSORMEN ǴYLYMI JOBALARDY TALQYLADY (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Almaty qalasyna barǵan saparynda IRCICA Islam yntymaqtastyǵy uıymy janyndaǵy Islam tarıhyn, ónerin, mádenıetin zertteý ortalyǵynyń Ortalyq Azııa zertteýleri boıynsha keńesshisi, professor Áshirbek Múmınovpen suhbattasty.
«Ózińiz jaqsy bilesiz, Memleket basshysy Qasym-Jomart Kemeluly elimizdiń damýyn aıqyndaıtyn jıynda din máselesin kóterip: «Halqymyzdyń dúnıetanymyna saı dástúrli ıslamdy dáripteý asa mańyzdy. Onyń ǵylymı-teorııalyq negizin damytý qajet» degen edi. Biz bul baǵytta birneshe jobany júzege asyryp kelemiz. Aldaǵy ýaqytta elimizden irgeli ǵylymı ortalyq ashýdy josparlap otyrmyz. Igi bastamamyzǵa derektanýshy ǵalym retinde óz tarapyńyzdan qoldaý kórsetseńiz nur ústine nur bolar edi» dedi Bas múftı Naýryzbaı qajy Taǵanuly.
Óz kezeginde Áshirbek Qurbanuly múftııattyń dinı saladaǵy ǵylymdy damytý boıynsha bastamalaryn árqashan qoldaıtynyn jetkizip, ıgi nıetin bildirdi. Kezdesý sońynda taraptar ǵylymı baǵyttaǵy jobalardy júzege asyrýǵa kelisti.
