Bas múftı Qarılar daıyndaıtyn ortalyqqa arnaıy bardy (FOTO)
Búgin QMDB Tóraǵasy, Bas múftı Naýryzbaı qajy Taǵanuly Túrkııanyń Konıa qalasyna kelip, saparyn jalǵastyrdy. Eń aldymen Bas múftı bastaǵan delegatsııa Konıadaǵy «Baıtýl-Hıkmet» Quran jattaý ortalyǵyna baryp, qazirgi tynysymen tanysty.
Quran kýrsynyń jetekshisi Hýseın Arpadjy qazirgi tańda ortalyqta 175 bala tálim alyp jatqanyn jetkizdi. Qazaqstannan kelgen delegatsııany shákirtterge tanystyryp, balalardyń bilim alyp jatqan ortalyǵyn kórsetti.
Jıynda arnaıy sóz alǵan Bas múftı dinimizdegi Quran oqý, ony jattaýdyń mańyzy jaıly aıta kele Qazaqstan men Túrkııa elderi arasynda qalyptasqan dostyq baılanys, dinaralyq tatýlyq jaıynda tereńirek baıandady.
Kezdesý barysynda Quran kýrsynyń basshylyǵy men Konıa múftıine qonaqkáde tabystap, dástúrge saı qurmet kórsetti.
