Bas múftı qaıǵyly oqıǵadan qaza tapqandardyń otbasyna kóńil aıtty (FOTO)
QMDB Tóraǵasy, Bas múftı Naýryzbaı qajy Taǵanuly Almatydaǵy qaıǵyly oqıǵa kezinde qaza tapqan azamattardyń otbasylaryna arnaıy baryp, kóńil aıtty. Qaraly úıge Quran baǵyshtap, týǵan-týysty sabyrǵa shaqyrdy.
«Qazaq mundaıda «tas túsken jerine aýyr» degen. Árıne et jaqynyńnan aıyrylý ońaı emes. Sizderge Alladan kórkem sabyr tileımiz. Qasıetti Quranda qıyndyqtan soń, bir jaqsylyqtyń keletini aıtylǵan. Synaqqa synbaı, sabyr etseńizder, Jaratqannyń pendesine berer syıy mol. Alla Taǵala marqumdardyń janyn jánnattyq etsin!» – dep jarylqaý tiledi.
