BAS MÚFTI QAZAQSTANNYŃ MAROKKODAǴY ELShISIMEN KEZDESTI (FOTO)
Búgin elordada QMDB Tóraǵasy, Bas múftı Naýryzbaı qajy Taǵanuly Qazaqstannyń Marokko Koroldigindegi Tótenshe jáne ókiletti elshisi Sáýlekúl Saılaýqyzymen kezdesti.
Bas múftı elshi Sáýlekúl hanymmen Qazaqstan men Afrıka qurlyǵynyń yqpaldy memleketteriniń biri Marokkomen aradaǵy rýhanı baılanys jóninde áńgime órbitti.
«Bizdiń elimiz Islam dinin ustanatyn musylman memleketterimen árdaıym jaqsy baılanysta. Qazaqstannynń tek arab, Túrkııa men Orta Azııa elderi ǵana emes, Afrıka qurlyǵyndaǵy halqynyń basym bóligi musylman sanalatyn eldermen de dıplomatııalyq baılanysta ekeni barshaǵa belgili. Ásirese, dinı-rýhanı baǵytta da birlese atqaryp jatqan ıgi ister az emes. Jyl saıyn máýlit keshterine, ózge de dinı merekelik sharalarymyzǵa Islam elderiniń elshileri qurmetti qonaq retinde shaqyramyz. Aldaǵy ýaqytta Marokko memleketimen dinı-rýhanı baǵytta birlesken arnaıy is-sharalarymyz eki el arasyndaǵy dıplomatııalyq baılanys aıasynda kóptep uıymdastyrylady degen senimdemin» dedi QMDB Tóraǵasy.
Óz kezeginde Sáýlekúl Saılaýqyzy Qazaqstannyń Marokko Koroldigindegi elshiligi byltyr ǵana ashylǵanyn jáne dinı-rýhanı baǵytta birqatar ıgi isterdi birlese atqarýǵa bolatynyn tilge tıek etti.
Resmı kezdesý sońynda Bas múftı Qazaqstannyń arab-ıslam álemindegi alǵashqy áıel elshisi Sáýlekúl Saılaýqyzyna iltıpat kórsetip, syı-sııapat tartý etti.
