Bas múftı Qazaqstannyń Mysyrdaǵy tótenshe jáne ókiletti elshisimen kezdesti (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Qazaqstannyń Mysyr Arab Respýblıkasyndaǵy Tótenshe jáne ókiletti elshisi Qaırat Lama Sharıfpen kezdesti.
Kezdesýde osy elde bilim alyp jatqan stýdentterdiń jaı-kúıi, elshilik pen Dinı basqarma arasyndaǵy ortaq baılanystar talqylandy. QMDB Tóraǵasy Qaırat Lama Sharıfke eki el arasyndaǵy yntymaqtastyq baılanysty arttyrýǵa baǵyttalǵan jumystary úshin alǵys aıtyp, tabys tiledi.
«Mysyrǵa kelip bilim alyp jatqan stýdentterdi elshilik tarapynan árdaıym qoldap, olardyń túrli máseleleriniń sheshilýine yqpal etip kelesiz. Dinı basqarmanyń da maqsaty osy, elshilikpen tyǵyz qarym-qatynas ornatyp, jumyla jumys isteý. Qazaq rýhanııatyna úles qosqan din ǵulamalarynyń eńbegin nasıhattaý jolynda da birqatar jumystar atqarylyp jatyr. Sondaı-aq Qalaýyn, Qaıtpaı sekildi Mysyr jerinde meshit, medrese saldyrǵan babalarymyzdyń ómir joly men atqarǵan eńbegin birlesip nasıhattaýǵa shaqyramyn», – dedi Naýryzbaı qajy Taǵanuly.
Óz kezeginde Qaırat Qaıyrbekuly múftııattyń ıgi bastamalaryna árdaıym qoldaý bildiretinin aıtty. Sondaı-aq elshilik kúzde elimizde ótetin Álemdik jáne dástúrli dinder dıderleriniń sezine tyńǵylyqty daıyndyq jasap jatqanyn jetkizdi.
