Bas múftı qajylardy uly saparǵa shyǵaryp saldy (FOTO)

QMDB Tóraǵasy, Bas múftı Naýryzbaı qajy Taǵanuly búgin Almaty áýejaıynda qajylardy qasıetti mekenge shyǵaryp saldy.

Qajylardy shyǵaryp salýǵa arnalǵan arnaıy rásim qasıetti Quran aıattaryn oqýmen bastaldy. Bas múftı uly saparǵa attanyp bara jatqan qajylarǵa sát-sapar tilep, bes paryzdyń biri qajylyq qulshylyǵynyń mán-mańyzyna toqtaldy.

«Pandemııa saldarynan eki jyl boıy qajylyq esigi jabyq bolǵan edi. Endi mine, Allanyń qalaýymen, Haq Taǵalanyń shaqyrtýymen qasıetti Qaǵbatýllaǵa qajylyqqa attanyp barasyzdar. Alla saparlaryńyzdy múbarak etsin! Ardaqty Paıǵambarymyz (oǵan Allanyń salaýaty men sálemi bolsyn): «Jaman sóz sóılemeı, kúnáli ári orynsyz eshnárse jasamaı, Allaǵa qajylyq jasaǵan adam anasynan jańa týǵandaı (kúnásiz) oralady» degen. Endeshe osy uly saparda Alla Taǵala barsha otandastyrymyzǵa Óziniń jeńildigin berip, aman-esen qulshylyǵyn óteýdi násip etsin!» dedi Naýryzbaı qajy Taǵanuly.

Aıta keteıik, búgin Almaty áýejaıynan 400-ge jýyq adam paryzyn óteýge attandy. Al elimizden 4000 adam qajylyqqa barýǵa nıet etip otyr. Olarǵa 14 qajylyq kompanııasy qyzmet kórsetedi.