Bas múftı qajylyq fırma jetekshilerimen kezdesti (FOTO)

11 maýsym 2019 4801 0
Оqý rejımi

Búgin QMDB tóraǵasy, Bas múftı Serikbaı qajy Oraz qajylyq kompanııalarynyń jetekshilerimen jınalys ótkizdi.

Jıynǵa QMDB Apparat basshysy Ǵ.Majıev, QR Aqparat jáne Qoǵamdyq damý mınıstrliginiń Din isteri komıteti Islamdyq dinı birlestiktermen baılanystar basqarma basshysynyń m/a Nurbaev Dosymjan, QR Aqparat jáne Qoǵamdyq damý mınıstrliginiń Din isteri komıteti Islamdyq dinı birlestiktermen baılanystar basqarmasynyń Bas sarapshysy Qabylov Nurǵalı jáne QMDB Qajylyq bóliminiń meńgerýshisi J.Bekjigitov, QMDB Baspa jáne aýdarma bóliminiń meńgerýshisi M.Ábdihalyqov jáne Qajylyqpen aınalysýǵa qabiletti dep tanylǵan 18 týrıstik fırmanyń basshylary qatysty.

Bas múftı Serikbaı qajy Satybaldyuly:

«Qajylyqty uıymdastyrý – zor mártebe ári úlken jaýapkershilik. Elden qasıetti mekenge attanǵan árbir qajy – bizge amanat. Qajylarǵa qyzmet kórsetetin Qajylyq Mıssııasy da qajylyq fırmalary da osyny únemi jadynda ustaýy kerek. Qajylyqty uıymdastyrýǵa qoıylatyn talaptar da jyldan jylǵa kúsheıip keledi, sapasy da jetile tústi. Qajylyq qulshylyǵyn ótep keletin qajylarymyz da jaýapkershilikti túsiný qajet. Paıǵambarymyz Muhammed (Allanyń oǵan salaýaty men sálemi bolsyn) bir hadısinde: «Jaqsy adam – qoǵamǵa paıdasy tıgen pende», – degen. Demek, qoǵamǵa paıdaly bolǵanyń – jaqsy musylman bolǵanyń. Qoǵamǵa paıdasy tııýde Paıǵambardyń tabany tıgen qasıetti mekendi zııarat etip kelgen qajylarymyz aldyńǵy qatarda turýy tıis. Óziniń ónegesimen, kórkem minezimen, adaldyǵymen, ádildigimen qashanda ónege bolýlary kerek», - deı kele fırma jetekshilerine QMDB Qajylyq bóliminiń jańa basshysy Jándilla Mamythanulyn, Qajylyqtyń Elektrondy júıesine jaýapty Murat Manapulyn tanystyryp, birige jumys jasaýǵa shaqyrdy.

Kezdesý barysynda qajylyqpen aınalysýǵa qabiletti dep tanylǵan týrıstik fırmalardyń «Qajylyq-2019 maýsymyna daıyndyǵy da pysyqtaldy. Atap aıtqanda, bıylǵy qajylyq maýsymyn uıymdastyrý barysynda qajylyqqa attanatyn árbir azamatpen tıptik kelisim-shart jasalý, qajylarǵa menıngokok ınfektsııasyna qarsy ekpe salýdy qamtamasyz etý, qajylarǵa kórsetiletin qyzmet sapasy men usynylǵan paket qunyna (baǵasyna) saı bolý, qajylyqpen aınalysatyn qajylyq kompanııalarynyń jeke saıtynyń bolýy. Ol saıtta usynylǵan paketterdiń aıyrmashylyǵy, barý-qaıtý merzimi, qonaqúılerdiń jaı-kúıi syndy t.b. qajylarǵa kerekti barlyq maǵlumattardyń kórsetilý qajettigi basa aıtylyp, tıisti nusqaýlyqtar berildi.

Óz kezeginde, qajylyq fırma ókilderi QMDB-nyń bul talaptaryn biraýyzdan qoldap, talapty oryndaýǵa daıyn ekendikterin jetkizdi.

Pіkіrler Kіrý