Bas múftı qajylyq taqyrybynda juma ýaǵyzyn aıtty (FOTO)
Aqtaý qalasyna jumys saparymen kelgen Bas múftı Naýryzbaı qajy Taǵanuly qaladaǵy jańadan ashylǵan «Erjan haziret» meshitinde juma ýaǵyzyn aıtty.
QMDB Tóraǵasy bes paryzdyń biri bolǵan qajylyq jaıly juma ýaǵyzyn aıtyp, qajylyq saparǵa barýǵa múmkindigi bar musylmanǵa qasıetti oryndy zııarat etý, ıaǵnı qajylyqqa barý – paryz ekenin atap ótti.
«Alla Taǵala qasıetti Quranda: «Jaǵdaıy bar adamdar úshin Qaǵbaǵa baryp, Alla aldynda qajylyq jasaý – paryz» («Álı Imran» súresi, 97-aıat) degen. Ǵalymdarymyzdyń túsindirýinshe, shamasy bola tura, mán bermeı, salǵyrttyqpen nemese mensinbeı qajylyq amalyn oryndamasa, ol pende úlken kúná jasaǵan bolyp esepteledi. Sondyqtan qajylyqqa baratyn adamdar buǵan asqan jaýapkershilikpen qaraýy tıis», – dedi Bas múftı.
Jańa meshitte nasıhat aıtqan QMDB Tóraǵasy qajylyq sapary musylman balasyn rýhanı kemeldenýge, oıy men kózqarasynyń túzelýine úlken áser etetinin alǵa tartty.
