BAS MÚFTI QAJYLYQ JÁNE UMRA MINISTRIMEN KEZDESTI (FOTO)
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Saýd Arabııasy koroldiginiń Qajylyq jáne umra mınıstri Taýfık ıbn Faýzan ar-Rabıamen kezdesti.
Ekijaqty kezdesýde osy jylǵy úlken qajylyq saparyn joǵary deńgeıde uıymdastyrý máseleleri sóz boldy. Bas múftı qajylyq sapary kezinde otandastarymyzdyń qaýipsizdigin qamtamasyz etý, qyzmet sapasyn arttyrý, tólem jasaý júıesin ońtaılandyrý t.b. máselelerge basa nazar aýdardy. Sonymen qatar qajylyq vızasyz, ıaǵnı zańsyz jolmen qujat rásimdep, qajylyq saparyn uıymdastyratyn týrıstik fırmalardyń jumysyna qatań túrde shekteý qoıý máselesi talqylandy. Taraptar bul máselege ózara yqpaldastyq kelisim negizinde yqpal etýge kelisti.
«Allaǵa shúkir, bizdiń elimizde qajylyq paryzyn oryndaýǵa nıet bildirýshiler sany jyldan jylǵa artyp keledi. Bizdiń maqsat – qajylyq saparyn joǵary deńgeıde uıymdastyrý. Qazaqstan qajylyq mıssııasy osy baǵytta nátıjeli jumys istep keledi» dedi Naýryzbaı qajy Taǵanuly.
Óz kezeginde SAK Qajylyq jáne umra mınıstri Taýfık ıbn Faýzan ar-Rabıa Bas múftı bastaǵan delegatsııa múshelerine ıgi tilegin jetkizip, árqashan ekijaqty yntymaqtastyqty arttyrýǵa nıet bildirdi.
Resmı kezdesýden keıin Bas múftı men Qajylyq jáne umra mınıstri 2024 jylǵy úlken qajylyq saparyn uıymdastyrýǵa qatysty ekijaqty kelisim qujatyna qol qoıdy.
