BAS MÚFTI QOSTANAI OBLYSYNYŃ ÁKIMIMEN KEZDESTI (FOTO)

Búgin QMDB Tóraǵasy, Bas múftı Naýryzbaı qajy Taǵanuly Qostanaı oblysyna jumys sapary aıasynda aımaq basshysy Qumar Aqsaqalovpen kezdesti.

Kezdesýde óńirdegi dinı ahýal sóz bolyp, keler jyldyń jospary talqylandy. Qumar Irgebaıuly aımaqtaǵy dinı turaqtylyqty saqtaý, kóne meshitterdi kútip baptaý, jalpy oblystaǵy ımandylyqty kóterý turǵysynan atqarylýy tıis jumystarǵa da toqtalyp ótti.

Bas múftı óz kezeginde aımaq basshysyna alǵysyn jetkizip, tarıhı meshitterdi saqtap qalý qajettigin, oblystaǵy medreselerdiń jaǵdaıy, ımamdardyń áleýmettik máselesi de nazarda ekenin aıtyp ótti.

Kezdesý sońynda taraptar ortaq jumystardy birge atqaryp, rýhanı máselelerde jan-jaqty qoldaý kórsetýge kelisti.

Aıta keteıik, Qostanaı óńirinde qazirgi tańda Dinı basqarmaǵa qarasty 26 meshit jumys istep tur. Oblys boıynsha 73 din qyzmetkeri bar. 

​