Bas múftı Quran kárim baıqaýynyń jeńimpazdaryn marapattady (FOTO)
Elordada Qazaqstan musylmandary dinı basqarmasynyń uıymdastyrýymen qyzdar arasynda Quran Kárimdi jatqa oqýdan II respýblıkalyq baıqaý máresine jetti.
Eki kúnge sozylǵan baıqaýǵa elimizdiń ár aımaǵynan 47 qarı qatysty.
«Allaǵa sansyz shúkirler bolsyn! Minekı, jasynan Quran jattaǵan qarı qyzdarymyzdyń baıqaýyn qorytyndylap, marapattap otyrmyz. Osy baıqaýdy ótkizýge atsalysqan arnaıy jumys toby men qarılardyń qarym-qabiletin baǵalap, jarysqa tórelik etken qazylar alqasyna, sondaı-aq demeýshi bolǵan kásipker Hamza Tileýlesulyna alǵysymdy bildiremin.
Elimizde jyldan-jylǵa qarılar qatarynyń kóbeıip kele jatqanyna kýá bolyp kelemiz. Osynyń bári áýeli Alla, odan keıin babalarymyz amanattap ketken egemendigimizdiń arqasy dep bilemiz. Jaratqan Iemiz ár shańyraqtan qarılardyń shyǵýyn násip etsin!» – dedi Bas múftı Naýryzbaı qajy Taǵanuly marapattaý sátinde.
Qazylar alqasynyń sheshimimen 4 atalym boıynsha jeńis tuǵyrynan kóringen qarılardyń tizimi tómendegideı:
«5 para» boıynsha:
1-oryn (300 000 teńge) – Dıldora Abdýllaeva (ShQO, Óskemen aımaǵy, 21 jasta)
2-oryn (200 000 teńge) – Symbat Erjigit (BQO, Oral, 21 jasta)
3-oryn (100 000 teńge) – Araılym Amangeldi (Qostanaı oblysy, 17 jasta)
«10 para» boıynsha:
1-oryn (500 000 teńge) – Hanıfa Abdılazız (Túrkistan oblysy, 12 jasta)
2-oryn (300 000 teńge) – Jánel Seıitqasym (Almaty qalasy, 13 jasta)
3-oryn (200 000 teńge) – Fatıma Nurtýǵanqyzy (Almaty aımaǵy, 11 jasta)
«20 para» boıynsha:
1-oryn (800 000 teńge) – Madına Israılova (Shymkent qalasy, 18 jasta)
2-oryn (600 000 teńge) – Zamıra Baıbakova (Túrkistan oblysy, 25 jasta)
«30 para» boıynsha:
1-oryn (1 300 000 teńge) – Raııana Sýleımanova (ShQO, Semeı aımaǵy, 17 jasta)
2-oryn (1 000 000 teńge) – Álıma Qurmanáli (Túrkistan oblysy, 19 jasta)
Bas múftı jeńimpazdarǵa jáne baıqaýǵa qazylyq jasaǵan qarı-ustazdar Sádýaqas Oljabaı (tóraǵa), Serik Ahmetov, Araılym Qýatova, Zeınep Ábdirasyl jáne Eńlik Qasymovaǵa alǵys hat tabystady.
