Bas múftı Quran hatym duǵasyn jasady (FOTO+VIDEO)

19 naýryz 2020 5909 0
Оqý rejımi

Elimizde oryn alǵan tótenshe jaǵdaıǵa oraı QMDB Tóraǵasy, Bas múftı Naýryzbaı qajy Taǵanuly keshe barsha din qyzmetkerlerine múmkindiginshe Qurandy úzdiksiz hatym etýge úndegen bolatyn.

«Biz – tarıhymyzdyń san qıly syndarly sátterinde úmitsizdikke berilmeı, bir Alladan medet tilegen halyqpyz. Osy rette musylman qaýymyn elimiz ben jerimizdiń, kúlli adamzattyń amandyǵy úshin duǵa jasaýǵa, Allaǵa madaq, paıǵambarǵa salaýat aıtýǵa shaqyramyn. Al barsha din qyzmetkerin Qurandy múmkindiginshe úzdiksiz hatym etýge úndeımin» degen Bas múftı bastamasy elimizdegi qulshylyq ordalarynda júzege asýda.

Úndeýge ún qosqan QMDB Nur-Sultan qalasy ókildigi kesheden bastap úzilissiz Quran hatym etýge kiristi. Elorda ımamdarynyń arnaıy kestesi túzilip, «Áziret Sultan» meshitiniń úlken zalynda ár qyzmetker kezektesip Quran oqydy. Qasıetti Quran aıattary tótenshe jaǵdaı aıaqtalǵansha táýlik boıy oqyla beredi.

Elimizdiń Bas meshitinde elorda ımamdary búgin Qurandy tolyqtaı aıaqtap, hatym duǵasyn jasady. Igi sharaǵa QMDB Tóraǵasy Naýryzbaı qajy Taǵanuly qatysty. Bas múftı «Áziret Sultan» meshitiniń ımamdarymen birge Alla Taǵaladan kúlli álem halqynyń basyna tóngen indetten saqtaýyn surap, arnaıy duǵa jasady.

 

Pіkіrler Kіrý