BAS MÚFTI: QURAN QUTTY ORNYNA ORALDY (FOTO)
Búgin Kenesary hannyń Quranyn Qazaqstan musylmandary dinı basqarmasyna tabystaý sharasynda Bas múftı Naýryzbaı qajy Taǵanuly osylaı dedi.
«Jaqynda ǵana Memleket basshysy qadirli Qasym-Jomart Kemelulynyń qatysýymen kıeli Túrkistanda Ulttyq Quryltaıdyń ekinshi otyrysy ótti. Sol alqaly jıynda Prezıdent súıinshi habar aıtyp, áıgili Maral ıshannyń Kenesary hanǵa syılaǵan Qurany tabylǵanyn jarııa etken bolatyn.
«Maral ıshan barsha qazaqqa tanymal adam bolǵan. Ol – tól tarıhymyzda erekshe orny bar Kenesary hannyń úzeńgiles serigi. Bul Quran eki ǵasyr boıy qoldan qolǵa ótip, aqyry shetelge shyǵarylǵan eken. Ony janashyr azamattardyń, metsenattardyń kómegimen Qazaqstanǵa qaıtaryp aldyq. Quranda Maral ıshannyń jáne Kenesary hannyń móri bar» degen edi Prezıdentimiz.
Búgin babamyzdan jetken qundy jádigerdi Qazaqstan musylmandary dinı basqarmasy qabyldap alyp jatyr. Quran qutty ornyna oraldy. Biz Qurandy tolyq dezınfektsııalap, restavratsııa jasatyp, kóshirmesin daıyndaý úshin Astanadaǵy Mádenıet jáne sport mınıstrligine qarasty «Qoljazbalar jáne sırek kitaptar ulttyq ortalyǵyna» tabystaımyz. Qundy mura qalpyna keltirilgen soń Qoja Ahmet Iasaýı kesenesine qoıylady. Eki ǵasyrlyq tarıhy bar jádigerdi qarılarymyzǵa oqytyp, saýabyn Kenesary han men Maral ıshan babalarymyzǵa baǵyshtaımyz» dedi QMDB Tóraǵasy.
