BAS MÚFTI RAMAZAN AIYNA DAIYNDYQ JUMYSTARYN PYSYQTADY (FOTO)
Búgin Bas múftı Naýryzbaı qajy Taǵanulynyń tóraǵalyǵymen Qazaqstan musylmandary dinı basqarmasynyń arnaıy apparat jınalysy ótti.
Jıynnyń kún tártibinde qasıetti Ramazan aıyna daıyndyq jumystaryn pysyqtaý, bıylǵy pitir sadaqasynyń mólsherin anyqtaý, sadaqa jáne zeket berý júıesin ońtaılandyrý, jamaǵat tarapynan orazaǵa qatysty suraqtarǵa der kezinde jaýap berý, t.b. máseleler talqylandy.
«Ramazan – ısi musylmannyń qasıetti aıy. Biz ulyq aıdy úlken daıyndyqpen qarsy alyp, uıymdastyrý-úılestirý jumystaryn joǵary deńgeıde ótkizýimiz tıis. Meshitke kelýshi jamaǵat pen el turǵyndarynyń dinı saýalyna laıyqty deńgeıde jaýap berip, dinı saýatyn arttyrýyna oń yqpal jasaýǵa tıispiz.
Bul – halqymyzdyń rýhanı suranysyn qanaǵattandyryp, barynsha ýaǵyzymyz ben nasıhatymyzdy aıtyp, rýhanı keńesimizdi, pátýamyzdy jetkizip qalatyn úlken múmkindik ári saýaby mol maýsymdyq kezeń. Sondyqtan ulyq aıdy barynsha daıyndyqpen ótkizýge bar kúshimizdi sarp eteıik» dedi QMDB Tóraǵasy.
Jınalys sońynda Bas múftı qasıetti aıdy joǵary deńgeıde ótkizýge qatysty bólim meńgerýshilerine naqty tapsyrmalar berdi.
