BAS MÚFTI RAMAZANNYŃ ALǴAShQY ON KÚNINDEGI JUMYSTARDYŃ ESEBIN TYŃDADY

Búgin elordada Bas múftı Naýryzbaı qajy Taǵanulynyń tóraǵalyǵymen Qazaqstan musylmandary dinı basqarmasynyń Tóralqa májilisi ótip, qasıetti Ramazan aıynyń alǵashqy on kúnindegi atqarylǵan jumystardyń qorytyndysy tyńdaldy.

«Qasıetti Ramazan aıynyń alǵashqy on kúndigi de artta qaldy. Bul kezeń – meıirim men raqymnyń kúnderi. Endi Ramazannyń ekinshi on kúndigine qadam bastyq. Bul kúnderde halyqqa tıisti túsindirý jumystaryn júrgizý, meshitterdegi rýhanı sharalardy mazmundy uıymdastyrý – bizdiń basty mindetterimizdiń biri» dep atap ótti Bas múftı.

Jınalys barysynda bólim meńgerýshileri bes baǵyt boıynsha Ramazan aıynda ókildikterde atqarylǵan is-sharalardyń eseptik baıandamasyn jasady.

​