BAS MÚFTI RANT QURAMYNA QABYLDANǴAN MAMANDARǴA KÝÁLIK TABYSTADY (FOTO)

Elordada Qazaqstan musylmandary dinı basqarmasynyń tóraǵasy Naýryzbaı qajy Taǵanuly Respýblıkalyq aqparattyq-nasıhat toby quramyna jańadan qabyldanǵan ımamdarmen kezdesti.

Jıynda Bas múftı bilikti din qyzmetkerlerin quttyqtap, RANT múshesiniń arnaıy kýáligin tabys etti.

«Asyl dinimizdi nasıhattaýda RANT quramynyń mańyzy zor. Ózderińiz biletinderińizdeı RANT músheligine elimizdegi bilikti din mamandary arnaıy attestattaýdan ótý arqyly alynady. Osy ýaqytqa deıin óńirlerde RANT músheleriniń atsalysýymen atqarylǵan eleýli jumystar kóp. Áıtse de, áli de RANT jumystaryn jetildirý qajet. Osyǵan oraı búgin ózderińizdi RANT quramyna kirýlerińizben quttyqtaımyn!

Sizderdi Dinı basqarmanyń aıasynda atqarytalyn saýapty da jaýapty amanatty barynsha óz deńgeıinde atqarýǵa shaqyramyn. RANT saparyna barǵan ýaqytta dástúrli dinimizdi bilimniń negizinde jetkizýmen qatar, halyq arasynda Qazaqstan musylmandary dinı basqarmasy tarapynan atqarylyp jatqan jumystardy, qabyldanǵan qujattardy jan-jaqty jetkizseńizder degen tilegim bar» dedi Bas múftı.

Eske sala keteıik, bıyl ókildik bas ımamdary RANT quramyna 8 din qyzmetkerin usynǵan bolatyn.

Источник: Aidos