BAS MÚFTI RESPÝBLIKALYQ ǴYLYMI-TÁJIRIBELIK KONFERENTsIIaDA BAIaNDAMA JASADY (FOTO)
Búgin Aqmola oblystyq «Naýan haziret» meshitiniń jáne Aqmola oblystyq tarıhı-ólketaný mýzeıi janyndaǵy Tarıhshylar qaýymdastyǵynyń uıymdastyrýymen «Han ordasy Kókshetaý: Kenesary ulttyq qaharman» taqyrybynda Respýblıkalyq ǵylymı-tájirıbelik konferentsııa ótti.
Konferentsııaǵa QMDB Tóraǵasy, Bas múftı Naýryzbaı qajy Taǵanuly onlaın qatysyp, baıandama jasady.
«Kenesary qaısar qolbasshy ǵana emes, parasatty basshy boldy. Ol Qazaq handyǵyn qalpyna keltirýge tyrysty. Jańa Ekonomıkalyq, saıası bastamalardy qolǵa aldy. Kenesarynyń salyq saıasaty sharıǵatqa negizdeldi. Ol mal ósiretin aımaqtarǵa zeketti, eginshilikpen aınalysatyn óńirlerge ushyrdy engizdi. Sot isterin de sharıǵat boıynsha júrgizdi, bul isti bıler atqardy.
Alaıda Kenesarynyń kúsh alýyna, Qazaq handyǵynyń qaıta qalyptasýyna múmkindik berilmedi. Osy maqsatta qazaq pen qyrǵyz arasyna ot tastaldy. Munyń sońy Kenesary sarbazdary men qyrǵyz manaptary arasyndaǵy shaıqasqa ulasty. Pýlemetpen, zeńbirekpen qarýlanǵan qyrǵyzdar Kenesary men Naýryzbaıdy qolǵa túsiredi. Eki batyr eldiktiń jolynda, bolashaqtyń baqyty úshin qurban boldy. Olar ómiriniń sońyna sheıin táýelsizdik úshin kúresti, sol jolda jan tapsyrdy.
Allaǵa shúkir, búginde táýelsiz elimiz bar. Bul táýelsizdikke Syrym, Kenesary, Isataı, Mahambet, Janǵoja, Eset sekildi batyrlardyń, Álıhan, Ahmet, Mirjaqyp sekildi ult qaıratkerleriniń úzdiksiz kúresi arqyly qol jetkizdik. Iá, olar búgingideı beıbit ómirdi kórgen joq. Alla jar bolyp, Alash balasy ańsaǵan táýelsizdikti kórý bizge násip boldy.Táýelsizdiktiń arqasynda egemendi memleket bolyp, til, dil, din, basqa da qundylyqtarymyz qalpyna keldi. Endeshe, osyndaı mol muraǵa jetkizgen babalarǵa taǵzym jasaý biz úshin asyl borysh bolýy kerek.
Búgingi Kenesary Qasymulynyń 220 jyldyǵyna oraı ótkizilip otyrǵan respýblıkalyq ǵylymı-tájirıbelik konferentsııa sondaı uly muratty maqsat etip otyrǵany anyq. Alla táýelsizdigimizdi baıandy etken. El táýelsizdigi jolynda sheıit bolǵan batyr babalarymyzdyń rýhy shat bolǵaı!» dedi Bas múftı.
Aıta keteıik qazaqtyń birtýar batyr tulǵasyn ulyqtaǵan ǵylymı-tájirıbelik konferentsııaǵa Kókshetaý qalasynyń ákimi Baýyrjan Ǵaısa, jazýshy, jýrnalıst, qoǵam qaıratkeri Jabal Erǵalıuly, sondaı-aq birqatar tarıhshy, fılolog ǵalymdar, oqytýshylar men stýdent jastar, din qyzmetkerleri qatysty.
