Bas múftı Sádýaqas qarıdy qabyldady (FOTO)

Elordada Qazaqstan musylmandary dinı basqarmasynyń tóraǵasy Serikbaı qajy Oraz belgili qarı, «Qaýam Ad-dın Ál-Itqanı Ál-Farabı Át-Túrkistanı» respýblıkalyq qarılar daıyndaý ortalyǵynyń dırektory Sádýaqas Oljabaıulyn qabyldady.

Kezdesýde Sádýaqas qarı Oljabaıuly ózi basqaratyn qarılar daıyndaý ortalyǵynyń jumysyn Bas múftıge baıandap berdi. Sonymen qatar ortalyqtyń alda atqaratyn josparymen bólisti.

Basqosýda qarılardyń áleýeti, ramazan aıynda meshitterde oqylyp jatqan Quran hatymnyń júıesi, qasıetti Quran Kárimdi aýdarý máseleleri, respýblıkalyq Quran jarystaryn uıymdastyrý sharalary sóz boldy.

«Qarılar daıyndaý – múftııattyń jumys baǵyttarynyń biri. Allaǵa shúkir, qazir shetelden qarı aldyryp, ramazan aıynda meshitte Quran hatym jasatýǵa muqtajdyq joq. Meshitterimizdi óz qarılarymyzben tolyq qamtamasyz etýge múmkindigimiz bar. Sondyqtan osy baǵyttaǵy jumystarǵa asa mán berýimiz kerek», – dep atap ótti Serikbaı qajy Satybaldyuly.

Kezdesý sońynda Bas múftı ortalyq dırektoryna naqty tapsyrmalar berdi.