BAS MÚFTI SÁTBAEV QALASYNDA JAMAǴATQA ÝAǴYZ AITTY (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Ulytaý oblysyna barǵan saparynda Sátbaev qalasyndaǵy ortalyq meshitte jamaǵatpen júzdesip, ýaǵyz aıtty.

Islamdaǵy oı tazalyǵy jaıynda nasıhat aıtqan Naýryzbaı qajy Taǵanuly: «Islam dini jaqsy oılaýǵa tárbıeleıdi. Oı tazalyǵy musylman úshin óte mańyzdy amaldyń biri. Óıtkeni, oı adam taǵdyryna áser etedi. Asyl dinimiz jaqyn baýyrymyz, týysqanymyz, tipti tanymaıtyn bógde adam týraly jaqsy oıda bolýǵa úıretedi. Oıy taza adamnyń táni de taza bolmaq. Alla Taǵala qasıetti Quranda bylaı deıdi:

«Ýa, ıman keltirgen jandar! Tym kúmánshil bolýdan saq bolyńdar. Óıtkeni, keıbir kúmándar kúná bolady. Bir-birlerińniń syrtynan jasyrynyp, ańdyp, baqylamańdar, bir-birlerińniń syrtynan ǵaıbat aıtyp, jamandamańdar da. Ólgen baýyrlaryńnyń etin jegendi qalaısyńdar ma? Árıne, ol – jıirkenishti nárse. Endeshe, Qudaıdan qorqyńdar! Táýbege kelip keshirim suraǵandardy Alla jaqsy kóredi. Ol – Rahymdy» («Ál-Hýjýrat» súresi, 12-aıat). Haq Taǵala barshamyzǵa oıymyz ben tánimizdiń taza bolýyn násip etkeı» dedi.

Ýaǵyzdan keıin Bas múftı el ıgiligi men birligi úshin arnaıy duǵa jasady.

​