BAS MÚFTI SAÝD ARABIIaSYNAN KELGEN MINISTRMEN KEZDESTI (FOTO)
Elordada Qazaqstan musylmandary dinı basqarmasynyń tóraǵasy Naýryzbaı qajy Taǵanuly Álemdik jáne dástúrli dinder lıderleriniń sezi aıasynda Saýd Arabııa Koroldiginiń Islam isteri, shaqyrý jáne nusqaýlyq mınıstri Abdelatıf ben Abdýlazız ál ash-Sheıhpen kezdesti.
Kezdesýde Álemdik jáne dástúrli dinder lıderleri seziniń dinaralyq dostyqty nyǵaıtý, dúnıejúzi halyqtaryn birlik pen beıbitshilikke úndeý, qoǵamda tynyshtyq pen turaqtylyq ornatý baǵytyndaǵy róli men mańyzy sóz boldy.
Saýd Arabııa Koroldiginiń Islam isteri, shaqyrý jáne nusqaýlyq mınıstri Abdelatıf ben Abdýlazız ál ash-Sheıh elordada ótken halyqaralyq jıynnyń joǵary deńgeıde uıymdastyrylǵanyn atap ótti. Sonymen qatar ıgi basqosýǵa uıytqy bolǵan Qazaq eline aıryqsha alǵys bildirip, is-shara álem halyqtaryna izgi oı tastaǵanyn jetkizdi.
Basqosý barysynda Bas múftı Naýryzbaı qajy Taǵanuly Qazaqstan musylmandary dinı basqarmasynyń túrli baǵyttaǵy jumystaryn baıandady. Mártebeli meıman múftııattyń ıgi isterine sáttilik pen bereke tiledi.
Ekijaqty kezdesýden keıin Naýryzbaı qajy Taǵanuly qazaqy qonaqjaılyqpen meımannyń ıyǵyna shapan jaýyp, káde-syıyn tartý etti.
