Bas múftı Saudi Arabian áýe kompanııasynyń jaýapty ókilderimen kezdesti (FOTO)
Bıylǵy qajylyq máselelerine qatysty birqatar kezdesýler jalǵasýda. QMDB Tóraǵasy, Bas múftı Naýryzbaı qajy Taǵanuly Saýd Arabııa Koroldiginiń Jıdda qalasynda Saudi arabian áýe kompanııasynyń Qajylyq jáne umra boıynsha satý menedjeri Ámir Alǵaıdımen kelissózder ótkizdi.
Kezdesý barysynda negizgi kóterilgen taqyryp – qajylyq maýsymynda eki el arasyndaǵy áýe baılanysyn qalyptastyrý. Bas múftıdiń bul usynysyn qabyl alǵan kompanııa basshylyǵy nıetti ekendikterin bildirip, eki araǵa keste de jasalǵanyn jetkizdi. Degenmen bıylǵy qajylyq maýsymynyń kesh ashylýyna baılanysty resmı qujattardy ótkizýge úlgermegenin aıtty.
Ámir Alǵaıdı myrzanyń sózinshe, baǵa máselesine eki el arasynda reısterdi kóbeıtý arqyly yqpal etýge bolady. Bul rette atalǵan kompanııa aldaǵy ýaqytta Qazaqstanmen aradaǵy jolaýshylardy tasymaldaý boıynsha naqty qadamdardy bastamaq.
