BAS MÚFTI SEZD HATShYLYǴY OTYRYSYNA QATYSTY (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Astana qalasynda bastalǵan Álemdik jáne dástúrli dinder kóshbasshylary sezi hatshylyǵynyń HHI otyrysyna qatysty.

Memleket basshysy Qasym-Jomart Toqaev aıtýly basqosýǵa birneshe elden kelgen mártebeli meımandarǵa óz quttyqtaýyn joldady. Prezıdent quttyqtaýyn Senat tóraǵasy Máýlen Áshimbaev oqyp berdi.

«Osy almaǵaıyp kezeńde izgilik, meıirimdilik baýyrmaldyq, jaýapkershilik sııaqty qaǵıdattardyń qadiri arta tústi. Sondaı-aq halyqaralyq qaýipsizdiktiń jańa júıesin qalyptastyrý óte mańyzdy máselege aınaldy. Ol úshin álem halqyn beıbitshilikke shaqyratyn jańa jahandyq qozǵalys qajet. Bul rette din kóshbasshylary aıryqsha ról atqarady. Rýhanı lıderler osy baǵytta kúsh jumyldyryp, barsha adamzatqa ortaq problemalardy sheshýge súbeli úles qosady dep senemin» delingen Memleket basshysynyń quttyqtaý hatynda.

Basqosý barysynda Bas múftı birneshe eldiń din qaıratkerlerimen suhbattasyp, ıgi maqsattar jolynda birlese qyzmet etýdiń mańyzy jaıly áńgimelesti.

​