BAS MÚFTI SEZD HATShYLYǴYNDA BAIaNDAMA JASADY (FOTO)
Búgin elordada Álemdik jáne dástúrli dinder lıderleri sezi hatshylyǵynyń HH otyrysy bastaldy.
Hatshylyq otyrysyna Senat Tóraǵasy – Álemdik jáne dástúrli dinder lıderleri sezi hatshylyǵynyń basshysy Máýlen Áshimbaev tóraǵalyq etti.
Alqaly jıynda Álemdik jáne dástúrli dinder lıderleriniń VII seziniń kún tártibi maquldanyp, sektsııalyq otyrystardyń moderatorlary men baıandamashylary bekitildi.
Otyrys barysynda Qazaqstan musylmandary dinı basqarmasynyń tóraǵasy Naýryzbaı qajy Taǵanuly baıandama jasap, jer betindegi ulttar men ulystar bir maqsatqa uıysqanda ǵana álemde bereke ornaıtynyn atap ótti. QMDB Tóraǵasy Islam dininiń jaýlasqandy jarastyrý, daýlasqandy dostastyrý, talasqandy tatýlastyrý baǵytyndaǵy róli óte joǵary ekendigin jetkizdi.
«Jer shary – bárimizdiń ortaq mekenimiz. Ardaqty Paıǵambarymyzdyń (oǵan Allanyń salaýaty men sálemi bolsyn): «Kimde-kim Allaǵa jáne aqyret kúnine sense, kórshisine jaqsylyq jasasyn, renjitpesin» degen ósıeti bar. Islam ǵulamasy Jáleleddın Rýmı: «Shoq qaı jerge tússe de meni kúıdiredi» degen bolatyn. Shynynda, shoq jer sharynyń qaı tarapyna tússe de, bárimizge óz zııanyn tıgizbeı qoımaıdy.
Jer betine beıbit ómir ornatý – kúlli adamzattyń qajettiligi. Bul – ortaq kelisim men ózara túsinik aıasynda oryndalatyn is. Kez-kelgen kelispeýshilik jaǵdaı kelisimmen, danalyqqa negizdelgen dıalog negizinde sheshilýi lázim», – dedi Naýryzbaı qajy Taǵanuly.
Sondaı-aq, jıynda deklaratsııa jobasy maquldanyp, hatshylyqtyń HHI otyrysy men VIII sezdiń ótkizý kúni men orny aıqyndaldy. Basqosý sońynda hatshylyq otyrysynyń hattamasy qabyldandy.
