BAS MÚFTI ShYǴARMAShYLYQ TOP MÚShELERIMEN KEZDESTI (FOTO)

Búgin Astana qalasynda QMDB Tóraǵasy, Bas múftı Naýryzbaı qajy Taǵanuly múftııat janyndaǵy shyǵarmashylyq top múshelerimen kezdesti. Kezdesýde jyl sońyna deıin shyǵarý josparlanǵan birqatar kitaptardyń mazmuny talqylandy.

«Ózderińiz bilesizder, osyǵan deıin MUFTIYAT baspasynan «Tabys teorııasy (musylman motıvatsııasy)», «Ramazan orazasyna qatysty pátýalar», «Jannatpen súıinshilengen 10 sahaba», «Paıǵambar hadısteri men qazaq maqal-mátelderi», «Qurbandyq pátýalary», «Sopylyq syry» syndy birqatar kitap jaryq kórdi. Endi baspa salasy boıynsha aldymyzda turǵan úlken mindettiń biri – «Islam Entsıklopedııasynyń» I, II, III tomdaryn, «Babalar izimen: Qazaq dalasyndaǵy musylmandyq mektep», «Din men dástúr III», «Pátýalar jınaǵy 4», «Islam aqıdasy: Ózekti máseleler», «Erekshe kórkem esimder» jáne t.b. kitaptardy shyǵarý. Alla qalasa, bul mindetti de abyroımen atqaryp shyǵamyz degen senimdemin» dedi Bas múftı Naýryzbaı qajy Taǵanuly.

Jıynda shyǵarmashylyq top músheleri Bas múftıge ózderine júktelgen jumystar jaıly baıandap berdi. Basqosý sońynda QMDB Tóraǵasy shyǵarmashylyq top múshelerine naqty tapsyrmalar júktedi.