BAS MÚFTI ShYMKENTTE ZIIaLY QAÝYM ÓKILDERIMEN KEZDESTI (FOTO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Shymkent qalasynda zııaly qaýym ókilderimen kezdesti.
Kezdesýge memleket jáne qoǵam qaıratkerleri – Orynbaı Rahmanberdıev, Beket Turǵaraev, Shalataı Myrzahmetov, Ábilqasym Dosbolov, Shymkent qalalyq ardagerler uıymynyń tóraǵasy Kenjehan Tólebaev, QMDB Aqsaqaldar keńesiniń múshesi Nurkóz Jańabaev t.b. zııaly qaýym ókilderi qatysty.
Rýhanı basqosý ult ustazy Ahmet Baıtursynulynyń rýhyna qasıetti Quran hatym duǵasyn baǵyshtaýdan bastaldy.
«Men osy rette ózderińizben toı ótkizý ádebine qatysty pikirleskim keledi. Toıda qarııalar aldynda túrli qylyq kórsetip, anaıy bıleý, ádepsiz oıyndardyń uıymdastyrylýy siz ben bizdi beı-jaı qaldyrmasy anyq. Osy rette toıdy uıymdastyrýshy azamattarǵa aıtarym: qýanyshty bólisýdiń ózindik ádebin saqtasaq degim keledi. Sizder de osy máseleni óz ortalaryńyzda aıta júrseńizder degen tilegim bar. Ekinshiden, el ishinde as berý men zırat kóterýde ysyrapqa jol berip jatqan jandar az emes. Osy máselege de qarııalarymyz nazar aýdaryp, qoǵamnyń qaperine sala júrse. Záýlim kesene turǵyzýǵa, asta-tók as berýge jumsalǵan artyq shyǵyn qaıyrymdylyqqa, halyqty aǵartý isine berilse nur ústine nur bolar edi», – dedi Naýryzbaı qajy Taǵanuly.
Zııaly qaýym ókilderi Bas múftı kótergen máseleni qoldaıtynyn bildirip, óz oılaryn ortaǵa saldy. Basqosýda jastardy destrýktıvti dinı aǵymdardyń ıdeologııasynan saqtandyrý, ımamdardyń bilimin jetildirý, as berý, zırat kóterýde ysyrapqa jol bermeý t.b. máseleler talqylandy.
