BAS MÚFTI SINGAPÝR PREZIDENTINE BAS MEShIT JUMYSYN TANYSTYRDY (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Astana qalasyndaǵy Bas meshitte elimizge memlekettik saparmen kelgen Sıngapýr prezıdenti Halıma Iakobpen kezdesip, qulshylyq ordasynyń jumysyn tanystyrdy.

Bas múftı prezıdentke Bas meshittiń ózge qulshylyq úılerden ereksheligi jaıly áńgimelep berdi. Sonymen qatar din men dástúr sabaqtastyǵyn dáripteý, jamaǵattyń rýhanı suranysyn qanaǵattandyrý, Islam dinin zamanaýı tásilmen nasıhattaý, jamaǵat arasynda qazaq halqynyń ulttyq qundylyqtaryn dáripteý baǵytynda atqarylyp jatqan jumystar jaıly sóz etti.

Osydan keıin QMDB Tóraǵasy men Sıngapýr prezıdenti Bas meshitte ashylǵan murajaıdy aralady. Bas múftı qazaq topyraǵynda boı kótergen tarıhı meshitter jaıly málimet berdi. Mártebeli meıman meshittiń týrıstik munarasyna kóterilip, bıikten qalanyń tynys-tirshiligin tamashalady.