BAS MÚFTI SYǴANAQI INSTITÝTYNA BARDY (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Astana qalasyndaǵy Hýsamýddın ás-Syǵanaqı atyndaǵy ıslam ınstıtýtyna arnaıy baryp, bilim alyp jatqan ımamdarmen suhbattasty.

QMDB Tóraǵasy kezdesý barysynda maman tárbıleýde sannan sapaǵa kóshý qajettigine nazar aýdardy. Sonymen qatar dinı bilimin shyńdaǵysy keletin mamandardy atalǵan ınstıtýtqa qabyldaýdyń mańyzdylyǵyna toqtaldy.

«HHI ǵasyr – bilim men ǵylym ǵasyry. Sondyqtan biz de sannan sapaǵa kóshýdi maqsat tutýymyz tıis. Men ózderińizge joldaǵan baǵdarlyq baıandamamda din qyzmetkerleriniń bilimin udaıy shyńdap otyrý qajettigin atap óttim. Osy máselege Hýsamýddın ás-Syǵanaqı atyndaǵy ıslam ınstıtýtynyń ustazdary da únemi kóńil bólýi kerek» dedi Naýryzbaı qajy Taǵanuly.

Basqosý barysynda ımamdar Bas múftıge kókeıde júrgen suraqtaryn qoıyp, jaýap aldy.

​