BAS MÚFTI SYǴANAQI INSTITÝTYNDA IMAMDARǴA NASIHAT AITTY (FOTO)
Búgin Bas múftı Naýryzbaı qajy Taǵanuly Qazaqstan musylmandary dinı basqarmasy janyndaǵy Hýsamýddın ás-Syǵanaqı atyndaǵy ıslam ınstıtýtynda tálim alyp jatqan ımamdarmen kezdesti.
QMDB Tóraǵasy ınstıtýttyń alǵash qabyldanǵan shákirtterin jańa oqý jylymen quttyqtap, ıgi tilegin bildirdi.
«Din men dástúrimizdi saqtap qana qoımaı, ony halyq arasyna kóbirek dáripteýde ǵalymdardyń orny men róli erekshe. Sizder – bolashaq ǵalymsyzdar. Sizder dinı saladaǵy aǵartý baǵyty boıynsha bastamalarymyzdyń júzege asýyna úlken úles qosasyzdar dep senemin. Ol úshin osy sátti, qolaıly jaǵdaıdy barynsha tıimdi paıdalanyp, bilim alýǵa tyrysyńyzdar. Biz óz tarapymyzdan tolyqqandy bilim alýlaryńyzǵa jaǵdaı jasaımyz. Alla Taǵala barshamyzdyń zeıinimizdi ashyp, elimiz ben jerimizdiń ıgiligi úshin aıanbaı qyzmet etýdi jazǵaı» dedi Naýryzbaı qajy Taǵanuly.
Bas múftı dáristen keıin ınstıtýt janyndaǵy «Ijaza» ortalyǵynda Quran jattap jatqan bolashaq qarılarmen de kezdesip, nasıhat aıtty.
Eske salsaq, elimizdiń 13 óńirinen 70-ten astam talapker ınstıtýtqa qujat tapsyrdy. Emtıhan nátıjesi boıynsha, 46 talapker Hýsamýddın as-Syǵanaqı atyndaǵy Islam ınstıtýtyna oqýǵa qabyldandy. Oqýǵa túsken shákirtterdiń 27-si – Islam ilimderi bóliminde, 19-sy Quran ıjazasy bóliminde oqıdy.
Aıta keteıik, oqýǵa qabyldanǵan 46 talapkerdiń 10-y – úzdik dıplom ıeleri. 23-i Qazaqstan musylmandary dinı basqarmasy aıasynda ımamdyq jáne ustazdyq qyzmet atqarady.
