BAS MÚFTI TARAÝYQ NAMAZYNDA JAMAǴATQA NASIHAT AITTY (FOTO)
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly elordadaǵy «Aq Meshit» meshitinde ótken taraýyq namazynda jamaǵatqa nasıhat aıtty.
Meshit jamaǵatyn Ramazan aıymen quttyqtap, Hatym Quranda qarılar oqıtyn «Aǵraf» súresi jaıly nasıhat aıtqan Bas múftı: «Aǵraf» súresi – mekkelik súrelerdiń eń uzyny. Barlyq mekkelik súreler sekildi bul súrede de taýhıd, qaıta tirilý, esep kúni, ýahı jáne paıǵambarlyq jaıyndaǵy taqyryptarǵa mańyz beriledi.
«Aǵraf» – jumaq pen tozaq arasynda qoıylǵan bir qamal. Ol eki jaq ıelerin bir-birinen bólip turady. Ibn Járır Hýzaıfadan Aǵraf jurty jaıynda suraǵanda bylaı degen: «Olar saýaptary men kúnálary teń bolǵan pendeler. Kúnálary jumaqqa, saýaptary bolsa tozaqqa kirýlerine kedergi bolady. Sondyqtan Alla olarǵa úkim shyǵarǵanǵa deıin olar sol qamalda bolady» dep, osy súreniń 55-aıatyna arnaıy toqtalyp ótti.
QMDB Tóraǵasy taraýyq namazynyń sońynda jamaǵatpen birge elimiz ben jerimizdiń amandyǵy úshin duǵa jasady.
