BAS MÚFTI TÓRAǴALYǴYMEN «ÓKILDIK SAǴATY» ÓTTI (FOTO)
Búgin Astanada Bas múftı Naýryzbaı qajy Taǵanulynyń tóraǵalyǵymen «ókildik saǵaty» ótti.
Onlaın formatta ótken jıynǵa QMDB qyzmetkerleri men Abaı oblysynyń ımamdary qatysty. Jınalysty ashqan Naýryzbaı qajy Taǵanuly: «Ókildik saǵaty» jobasynyń basty maqsaty – oblys ımamdarynyń óńirde atqaryp jatqan jumystarymen jaqyn tanysyp, tıisti nusqama, qajetti keńes berý, sonymen qatar QMDB qyzmetkerleri men oblys ımamdarynyń ortaq jumystaryn júıeli túrde úılestirý. «Ókildik saǵaty» jobasy dinı saladaǵy is-sharalarymyzdy sapaly ári joǵary deńgeıde uıymdastyrýǵa serpin beredi dep senemin» dedi.
Jınalys barysynda Abaı oblysynyń bas ımamy Asqar Ábitaıuly Bas múftıge jyl basynda bekitilgen bes baǵyt (din men dástúr, izgi qoǵam, ıhsan jáne nasıhat, dinı oqý-aǵartý, jat dinı aǵymdardan saqtandyrý) boıynsha atqarylǵan jumystar jaıly esep berdi. Sonymen qatar bes baǵytqa jaýapty QMDB bólim meńgerýshileri Abaı oblysynyń ımamdaryna jumysty jetildirýge qatysty usynys-pikirlerin jetkizdi.
Jıyn sońynda QMDB Tóraǵasy múftııat qyzmetkerleri men Abaı oblysynyń ımamdaryna naqty tapsyrmalar júktep, jyl basynda bekitilgen jumys josparyna sáıkes is-sharalardy joǵary deńgeıde uıymdastyrýdyń mańyzyn atap ótti.
