BAS MÚFTI TÓRALQA MÁJILISINE ÓTKIZDI (FOTO)

Búgin elordada Bas múftı Naýryzbaı qajy Taǵanulynyń tóraǵalyǵymen onlaın Tóralqa májilisi ótti. Májiliske Dinı basqarma qyzmetkerleri men oblys bas ımamdary qatysty.

Kún tártibi boıynsha QMDB Tóraǵasy eń aldymen elimizde jańadan ashylatyn meshitterdiń ataýyna baılanysty bólim meńgerýshisi Marat Jappasbaevtyń usynysyn tyńdap, daýysqa saldy. Májilis barysynda 10 jańa meshitke ataý bekitildi.

Sonymen qatar jańa oqý jylyna daıyndyq jumystary pysyqtaldy. Dinı bilim jáne kadr daıarlaý bóliminiń meńgerýshisi Smaıyl Súıerqululy 2022-23 oqý jylyn qorytyndylap, esebin jetkizdi. Bólim meńgerýshisiniń sózinshe bıyl Túrkııadaǵy Hasekı ınstıtýtyna 23 shákirt qabyldanǵan. 9 medrese-kolledjdi 371 túlek, Nur-Múbarak Egıpet Islam mádenıeti ýnıversıtetin 245 stýdent bitirgen. Atalǵan oqý ornynyń 93 shákirti tolyqtaı jumyspen qamtylǵan. Sondaı-aq elimizdegi 9 medrese-kolledjde shákirtterdi jańa oqý jylyna qabyldaý jalǵasýda dedi Smaıyl Seıtbekov.

Májilis barysynda Astanadaǵy ımamdardyń bilimin jetildirýge arnalǵan Hýsamýddın ás-Syǵanaqı ınstıtýtynyń atqarǵan bir jyldyq jumysy qorytyndylanyp, jańa oqý jylyna daıyndyǵy týrasynda ınstıtýt dırektory Baǵdat Mahanuly tolyq baıandap ótti.

Jıyn sońynda Bas múftı Naýryzbaı qajy Taǵanuly ujymnyń usynys pikirin tyńdap, bólim basshylaryna birqatar naqty tapsyrmalar júktedi. 

​

Источник: Aidos