BAS MÚFTI TÚRKISTAN OBLYSYNYŃ IMAMDARYNA NASIHAT AITTY (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Túrkistan oblysyna qarasty qala, aýdan bas ımamdaryna semınar aıasynda nasıhat aıtty.

Eń aldymen Bas múftı «Islam jáne dástúr qundylyǵy» jylynyń mańyzy, bıyl atqarylatyn aıtýly is-sharalar legine toqtalyp ótti.

«Bıyl bilesizder, «Islam jáne dástúr qundylyǵy» jyly dep jarııaladyq. Bul rette atqarylatyn mańyzdy jumystardy aıqyndap aldyq. Jyl boıyna asyl dinimizdi nasıhattaıtyn 50-den asa aıtýly is-sharalar, jalpy alǵanda 600-deı is-shara bıyl atqarylýy tıis. Alla barshańyzǵa jar bolsyn! Búgin jyldyń basyn mańyzdy konferentsııamen Túrkistan jerinen bastap otyrmyz. Munyń da artynda tarıhı sabaqtastyq jatyr. Sol atqarylar jumystarǵa qosar árqaısyńyzdyń qosar úlesterińiz bar. Alla saýaptan jazsyn.

Árıne ımamdyq qyzmet jaýapty qyzmet. Sony sezine bileıik. Yqylaspen atqaryp, jamaǵatpen birlikte jumys isteıik. Ózderińizge berilgen amanatty abyroımen atqarý násip bolsyn» dedi QMDB Tóraǵasy.

Imamdardyń biliktiligin arttyrý maqsatynda uıymdastyrylǵan semınar barysynda oblys boıynsha úzdik 8 din qyzmetkerine Bas múftı atynan alǵys hat tabystaldy.

​