BAS MÚFTI TÚRKISTANDA JUMA ÝAǴYZYN AITTY (FOTO)
Búgin Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Túrkistan qalasynyń oblystyq «Qoja Ahmet Iasaýı» meshitinde jamaǵatqa juma ýaǵyzyn aıtty.
QMDB Tóraǵasy qazirgi ýaqytta jeke adamǵa jáne bútindeı qoǵamǵa qater týdyryp otyrǵan dertti máselelerdiń biri – zııandy ádetterge táýeldilik ekenin atap ótti.
«Sharıǵatymyz adam balasynyń paıdasy úshin bizderdi jaman ádetterden tyıǵan. Óıtkeni «zııandy ádet» dep atalǵanyndaı, bul isterdi isteý adam balasynyń dúnıe-aqyretine úlken zııan alyp keledi. Alla Taǵala qasıetti Qurannyń «Iýnýs» súresiniń 44-aıatynda: «Alla adamdarǵa esh zulymdyq (zııandyq) qylmaıdy. Biraq adamdar ózderine ózderi zulymdyq jasaıdy», – dep aıtqan.
Alla Taǵala barshamyzdy óziniń buıyrǵanyn oryndaıtyn, zııandy ádetterden aýlaq bolǵan súıikti quldary qatarynan etip, qasıetti juma kúngi duǵa-tilekterimizdi qabyl etkeı» dedi Naýryzbaı qajy Taǵanuly.
Bas múftı juma namazynan keıin el amandyǵy men tynyshtyǵy úshin duǵa jasady.
