Bas múftı Túrkııa din isteri basqarmasynyń basylymdarymen tanysty (FOTO)
QMDB Tóraǵasy Naýryzbaı qajy Taǵanuly resmı sapary barysynda Túrkııa Din isteri basqarmasy dinı basylymdar bóliminiń jumysymen tanysty.
Bólimniń basshysy Iýnýs Iýksel QMDB delegatsııasyn Diyanet tarapynan jaryq kórip jatqan dinı basylymdar, sondaı-aq baspa salasy, aýdarma isi jáne radıo jumysyn tanystyrdy.
Kezdesý barysynda Bas múftı Diyanet qoldaýymen jaryq kórgen qazaq tilindegi kitaptardyń mańyzdylyǵyna toqtalyp, aldaǵy ýaqytta da dinimiz úshin qundy keıbir kitaptardyń túrik tilinen qazaq tiline aýdarý týraly usynys bildirdi. Iýnýs Iýksel bul usynysty qýana qoldap, mol suranysqa ıe bolǵan kitaptar tizimin berýge kelisti. Sondaı-aq turaqty túrde birneshe tilde habar taratatyn radıo ónimderin de nasıhattaý, aýdarma isi, kitap salasy boıynsha áriptestik baılanysty jańǵyrtý jaıly ýaǵdalasty.
Sondaı-aq Bas múftı bastaǵan QMDB delegatsııasy kitaphana qory, sırek qoljazbalar bólimimen tanysty. Bul qorda birqatar kóne kitaptar saqtalǵan. Qazirgi tańda 8 myńǵa jýyq sırek qoljazbanyń Elektrondy nusqasy daıyndalǵan.
