Bas múftı Túrkııadaǵy Qazaqstan elshisimen kezdesti (FOTO)
Búgin QMDB Tóraǵasy, Bas múftı Naýryzbaı qajy Taǵanuly resmı saparmen Túrkııa Respýblıkasyna keldi. Eń aldymen Bas múftı bastaǵan delegatsııa osy eldegi Tótenshe jáne Ókiletti Elshi Abzal Saparbekulymen kezdesti.
Delegatsııany jyly qabyldaǵan Elshi Bas múftıdiń saparyna sáttilik tilep, elshilik tarapynan barynsha qoldaý kórsetetinin jetkizdi.
Óz kezeginde Naýryzbaı qajy Taǵanuly Dinı basqarma joldamasy boıynsha Túrkııada dinı bilim alyp júrgen qazaqstandyq stýdentterge elshilik tarapynan árdaıym qamqorlyq jasalyp kele jatqanyn tilge tıek etti.
«Bul joly saparymyzda dinı bilim alyp jatqan shákirtterge basymdyq berýdi jón kórdik. Baýyrlas memleketke elimizden bilim izdep keletin býynnyń qarasy kóp. Olardyń basyn qosatyn orta osy – elshilik. Sondyqtan basty maqsatymyz – Túrkııadaǵy shákirttermen ortaq baılanys ornatyp, olardyń bilim alýyna jaǵdaı jasap, áleýmettik jaǵynan kómek kórsetý. Bul baǵytta eki jaqty jobalarymyz daıyn», – dedi Naýryzbaı qajy Taǵanuly.
Ókiletti Elshi Abzal Saparbekuly Bas múftıdiń shákirttermen baılanys ornatý usynysyn qoldaıtynyn aıtyp, Dinı basqarmamen tyǵyz qarym-qatynasta bolatynyn shegelep aıtty. Elshi Bas múftıdiń bul sapary eki eldiń rýhanı baılanysyna oń yqpal etetinin erekshe atap ótti.
Aıta ketsek Bas múftı Naýryzbaı qajy Taǵanuly sapar barysynda Túrkııa Din Isteri basqarmasynyń basshysy Álı Erbashpen, sonymen qatar Túrkııada dinı bilim alyp jatqan shákirttermen, «Talaba» jáne qazaq qaýymdastyǵy, atalǵan eldegi birneshe ýnıversıtet basshylarymen kezdesip, memorandým jasaý josparlanǵan. Odan bólek Konıa-Stambul baǵytynda birneshe mańyzdy is-sharaǵa qatysady dep kútilýde.
