BAS MÚFTI TÚZEÝ MEKEMESINDE JAZASYN ÓTEP JATQAN AZAMATTARMEN SUHBATTASTY (FOTO)

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Shymkent qalasynda túzeý mekemeleriniń birinde jazasyn ótep jatqan azamattarmen kezdesti.

Kezdesýde Bas múftı Quran aıattaryn durys túsinýdiń, ulttyq qundylyqtarǵa qurmet kórsetýdiń, rýhanı birlikti nyǵaıtýdyń, bir mázhabty ustanýdyń mańyzy jaıly aıryqsha atap ótti. Jazasyn ótep jatqan azamattar Bas múftıge dinı máselege qatysty suraqtaryn qoıyp, jaýap aldy.

Aıta ketsek, Dinı basqarmanyń negizgi jumys baǵyttarynyń biri – destrýktıvti dinı aǵymnyń arbaýynda ketken azamattardy ońaltý, olarǵa dinı keńes berip, túsindirme, nasıhat jumystaryn júrgizý.

Osy jyldyń sońǵy 9 aıynda elimiz boıynsha dinı ońaltý jumysyna jaýapty mamandar tarapynan erkindikte júrgen destrýktıvti dinı aǵym (DDA) múshelerimen 4557, túzeý mekemelerinde jazasyn ótep jatqan azamattarmen 2053 kezdesý ótkizdi.

Imamdardyń tyńǵylyqty jumystarynyń nátıjesinde dástúrli emes destrýktıvti baǵytty ustanǵan 190 adam qoǵamdyq qundylyqtarǵa beıimdeldi, onyń 42-si túzeý mekemelerinde jazasyn ótep jatqandar.

Источник: Aidos