BAS MÚFTI ÝAQYP MINISTRIMEN ORTAQ JOBALARDY TALQYLADY (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly elordada Mysyr Arab Respýblıkasynyń Ýaqyp mınıstri Muhtar Jumamen kezdesti.
Kezdesýde erteń Nur-Sultan qalasynda ótetin Álemdik jáne dástúrli dinder lıderleriniń VII seziniń álem jurtshylyǵyn birlik pen dostyqqa úndeýdegi róli sóz boldy.
Basqosýda Bas múftı Naýryzbaı qajy Taǵanuly: «Qazaqstan jáne Mysyr halqynyń arasynda ǵasyrdan ǵasyrǵa jalǵasyp kele jatqan tarıhı, baýyrlastyq baılanys bar. Baýyrlastyq baılanystyń nátıjesinde Qazaqstan Respýblıkasynda Nur-Múbarak Egıpet Islam mádenıeti ýnıversıteti salyndy. Ýnıversıtet ustazdary din kadryn daıyndaýda úlken eńbek sińirip keledi. Bizdiń elde stýdentterge dáris berip jatqan barsha mysyrlyq ustazdarǵa erekshe alǵys aıtamyn. Alla razy bolsyn!» dedi.
Kezdesýde taraptar birlesken jobalardy júzege asyrýǵa ýaǵdalasty. Bas múftı dinı kadr daıarlaýǵa qoldaý kórsetip kele jatqan Ýaqyp mınıstrligine alǵysyn jetkizip, mártebeli meımanǵa izgi tilegin bildirdi.
