BAS MÚFTI ÝAQYP QORYNYŃ ÓŃIRDEGI MAMANDARYMEN KEZDESTI

Elordada Qazaqstan musylmandary dinı basqarmasynyń tóraǵasy, Bas múftı Naýryzbaı Qajy Taǵanuyly Ýaqyp qorynyń óńirler boıynsha jaýapty mamandarymen kezdesti. 

"Búgingi jıynnyń maqsaty - atqarylǵan jumystardy saralap, tájirıbe almasý jáne aldaǵy mindetterimizdi birlese aıqyndaý. Bizdiń kúshimiz - birlikte. Ortaq maqsatqa jumylyp, bir-birimizge qoldaý kórsetsek, óńirlerdegi ıgi bastamalarymyzdyń aýqymy keńeıip, nátıjesi arta túsedi.

Aldymyzda turǵan mańyzdy mindet – qoǵamda ýaqyp mádenıetin qalyptastyrý, ýaqyptyń mánin túsindirip, jurtshylyqty bir rettik kómekpen qatar, qoǵamǵa turaqty paıda ákeletin qaıyrymdylyqqa úndeý. Bul úshin ókilderimizdiń bilimi, jaýapkershiligi jáne halyqpen tyǵyz baılanysy erekshe mańyzdy.

Ýaqypty damytý – aýqymdy qaıyrymdylyq jobalardy júzege asyrýǵa úles qosatyn baǵyt. Kásipkerlik pen qaıyrymdylyqty ushtastyryp, bilimge, rýhanııatqa jáne halyq ıgiligine jumsalatyn jobalardy kóbeıtýimiz qajet. Ár óńirdegi kásipkerlermen senimdi qarym-qatynas ornatyp, naqty ári ómirsheń bastamalardy júzege asyrýǵa kúsh salaıyq", - dedi Naýryzbaı qajy Taǵanuly.

​