Bas múftı «Ýaqyp» qorynyń jańa prezıdentin qabyldady (FOTO)

16 qarasha 2018 5584 0
Оqý rejımi

Qazaqstan musylmandary dinı basqarmasynyń tóraǵasy Serikbaı qajy Oraz jýyrda taǵaıyndalǵan «Ýaqyp» qaıyrymdylyq qorynyń jańa prezıdenti Qaırat Ázimovpen kezdesti.

Bas múftı Qaırat Muratulyn jańa qyzmetimen quttyqtap, jumysyna ıgilik pen bereke tiledi. Kezdesýde din qyzmetkerleriniń áleýmettik máselesin tolyqqandy sheshý, qaıyrymdylyq baǵytynda respýblıkalyq mańyzdy is-sharalardy birlese atqarý, bilim, ǵylym, dinı aǵartý jolynda birikken jobalardy júzege asyrý, t.b. máseleler talqylandy.

Serikbaı qajy Satybaldyuly 350-den astam din qyzmetkeriniń «Ýaqyp» qaıyrymdylyq qory esebinen arnaıy stıpendııa alyp jatqanyn jetkizip, qordyń basshylyq quramyna alǵysyn jetkizdi.

Óz kezeginde sóz alǵan Q.Ázimov esh jerden jalaqy almaıtyn din qyzmetkerleriniń áleýmettik máselesin sheshý baǵytynda oń sheshim qabyldanatynyn málimdedi. 

Basqosý barysynda Bas múftı Serikbaı qajy Oraz Qazaqstan musylmandary dinı basqarmasyn qarjylandyrýǵa qatysty jobalarmen bólisti. Sonymen qatar, QMDB «Qajylyq» qory esebinen 100 ımamǵa jalaqy taǵaıyndalǵanyn jetkizdi.

Aıta keteıik, elimiz boıynsha 6 189 din qyzmetkeri jumys isteıdi. Olardy tolyqqandy jalaqymen qamtamasyz etý baǵytynda arnaıy jobalar júzege asýda.

Pіkіrler Kіrý