BAS MÚFTI ÝAQYP VITsE-MINISTRIMEN ORTAQ JOBALARDY TALQYLADY (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Almaty qalasyna barǵan saparynda múftııat keńsesinde Mysyr Arab Respýblıkasynyń Ýaqyp vıtse-mınıstri Mahmýd Abdýlhalek Abdýlhalek ál-Farhanımen kezdesti.
Kezdesýde eki el arasyndaǵy rýhanı, tarıhı, mádenı baılanystar sóz boldy.
Basqosýda Bas múftı Naýryzbaı qajy Taǵanuly: «Qazaqstan jáne Mysyr halqynyń arasynda ǵasyrdan ǵasyrǵa jalǵasyp kele jatqan tarıhı, baýyrlastyq baılanys bar. Baýyrlastyq baılanystyń nátıjesinde Qazaqstan Respýblıkasynda Nur-Múbarak ýnıversıteti salyndy. Ýnıversıtet ustazdary din kadryn daıyndaýda úlken eńbek sińirip keledi. Bizdiń elde stýdentterge dáris berip jatqan barsha mysyrlyq ustazdarǵa erekshe alǵys aıtamyn. Alla razy bolsyn!» dedi.
Kezdesýde taraptar birlesken jobalardy júzege asyrýǵa kelisti. Bas múftı dinı kadr daıarlaýǵa qoldaý kórsetip kele jatqan Ýaqyp mınıstrligine alǵysyn jetkizip, mártebeli meımanǵa izgi tilegin bildirdi.
