BAS MÚFTI ULYTAÝ OBLYSYNYŃ ÁKIMIMEN KEZDESTI (FOTO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Ulytaý oblysyna jasaǵan saparynda óńir basshysy Berik Ábdiǵalıulymen kezdesti.
Kezdesýde taraptar aımaqtaǵy dinı ahýaldy talqylady. Oblys ákimi «Ulytaý oblysynyń rýhanı damýy» taqyrybyndaǵy respýblıkalyq konferentsııany uıymdastyrýǵa uıytqy bolǵan Bas múftıge alǵysyn bildirip, izgi nıetin jetkizdi.
«Biz óz tarapymyzdan Ulytaý oblysynyń rýhanı damýyna úles qosýǵa árqashan daıynbyz. Maqsatymyz – eldiń ıgiligi úshin qyzmet etý. Imamdarymyz bul baǵytta aıanbaı eńbek etip keledi. Alla Taǵala jańadan qurylǵan Ulytaý oblysynyń jan-jaqty damýyn násip etkeı» dedi Naýryzbaı qajy Taǵanuly.
Kezdesý sońynda Bas múftı men oblys ákimi ortaq jobalardy júzege asyrýǵa kelisti.
