Bas múftı jańa meshittiń ashylýyna qatysty (FOTO)
Búgin Soltústik Qazaqstan oblysy, Petropavl qalasynda jańa meshittiń ashylý rásimi ótti. Saltanatty sharaǵa Qazaqstan musylmandary dinı basqarmasynyń tóraǵasy, Bas múftı Serikbaı qajy Oraz, oblys ákimi Qumar Aqsaqalov, QR Parlamenti Senatynyń depýtaty Erik Sultanov, QR Parlamenti Májilisiniń depýtaty Abaı Tasbolatovtar qatysty.
Jıynda sóz alǵan Serikbaı qajy Satybaldyuly meshit salýdyń mərtebesi men saýaby jaıly sóz qozǵap, qulshylyq úıin turǵyzǵan azamattarǵa alǵysy men izgi nıetin jetkizdi:
«Áz Paıǵambarymyz: «Kimde kim jer betinde Alla úıin salýǵa at salyssa Alla taǵala ol kisige jumaqtan oryn daıyndaıdy» (Buharı) deıdi. Meshit salý – saýapty is. Osyndaı ımandylyq úıin salýǵa atsalysyp, el ıgiligine bergen azamattarǵa alǵysymdy bildiremin. Ashylyp jatqan ǵıbadat úıi halyqty ımandylyqqa uıytyp, birlik pen yntymaqtyń oshaǵyna aınalatynyna senimdimin», - dedi Bas múftı.
500 adamdyq jańa meshit qalanyń soltústik bóliginde ornalasqan. Sáni men sáýleti jarasqan ǵımarattyń aýmaǵy 2793 sharshy metrdi quraıdy. Úsh deńgeıli kúmbez ben 4 birdeı munaradan turady. Sımmetrııalyq kóp qyrly munaralardyń bıiktigi 42 metr. Meshitiń qurylysyna 1,4 ga jer bólingen.
